Azərbaycan Respublikasının qanunvericiliyi baxımından hakimin vəzifədən
kənarlaşdırılması hakimin səlahiyyətlərinə vaxtından əvvəl xitam verilməsi əsası kimi təsbit
olunmuşdur. Belə ki, “Məhkəmələr və hakimlər
haqqında” Azərbaycan Respublikasının 10 iyun
1997-ci il tarixli 310-IQ nömrəli Qanununun
101-ci maddəsinə müvafiq olaraq qeyd olunmuşdur ki, “cinayət təqibini istisna edən digər
hallarda, habelə barəsində məhkəmənin ittiham hökmü və ya tibbi xarakterli məcburi tədbirlərin
tətbiqinə dair məhkəmə qərarı qanuni qüvvəyə
mindiyi halda hakim vəzifəsindən kənarlaşdırılır.
Hakimin vəzifəsindən kənarlaşdırılması Azərbaycan Respublikası Konstitusiyasının 128-ci
maddəsinin IV və V hissələrində nəzərdə tutulmuş qaydada həyata keçirilir” [6]