hüquq elmləri üzrə fəlsəfə doktoru, Bakı Dövlət Universitetinin Hüquq fakültəsinin
Konstitusiya hüququ kafedrasının dosenti
Ünvan: Bakı şəhəri, Akademik Zahid Xəlilov küçəsi, 33
E-mail: [email protected]
UOT 342.5; 342.54; 342.56
SOSİAL DÖVLƏTDƏ HÜQUQ VƏAZADLIQLARIN MÜDAFİƏSİ
MEXANİZMLƏRİ HAQQINDA
Hüquqda artıq klassikləşmiş anlayışlardan biri odur ki, hüquq və azadlıqların tanınması ilə bərabər əhəmiyyətli olan digər məsələlər onların realizəsi və müdafiəsi mexanizmlərinin müəyyənləşdirilməsidir. Üçlük şəklində olan bu prosesdə bir mərhələnin yoxluğu və ya zəifliyi digər mərhələlərin də mahiyyətini kəskin zədələyir. Bu baxımdan sosial dövlət anlayışı, sosial dövlətin mahiyyəti araşdırılarkən yalnız hüquq və azadlıqların tanınması məsələlərinə deyil, həm də onların realizəsi və müdafiəsi məsələlərinə diqqət etmək vacibdir.