Ümumi hüquq sahəsinə aid müəyyən
bir məsələnin tənzimləyicisi kimi inzibati aktların sferası kifayət qədər genişdir. İnzibati aktların effektiv işləməsi üçün onların icra
mexanizmlərinin olması da əsas şərtlərdən biridir. Başqa sözlə desək, inzibati aktların icra
edilməsi həmin aktların insan və vətəndaşların
hüquq və azadlıqlarının həyata keçirilməsinin
təmin edilməsində və eyni zamanda inzibati orqanların öz vəzifə və funksiyalarını icra etməsində əsas vasitədir.
İnzibati hüquqi aktların icra mexanizmləri
əsas etibarilə İnzibati Prosessual Məcəllə və
“İnzibati icraat haqqında” AR Qanunu ilə
tənzimlənir. Buradan məlum olur ki, inzibati hüquq üzrə şəxslərin öz hüquqlarını realizə
etməsində iki istiqamət mövcuddur.