Mediasiya latınca “mediation” sözündən olub vasitəçilik deməkdir. Mediasiya dünya təcrübəsi ilə meydana gələn hüquqi barışıq strategiyasının növlərindən biridir.
Başqa sözlə, mediasiya mübahisənin alternativ
həlli üsulu olmaqla ədalət mühakiməsinə əlçatanlığın digər formalarından biri kimi mübahisədə olan tərəflər arasında qarşılıqlı konsensusa əsaslanan və hər iki tərəfi qane edən qərara
gəlmək yoludur. Mediasiyanın tətbiq edildiyi
mübahisələrdən biri də əmək mübahisələri hesab edilir. Əmək mediasiyası işəgötürənlə işçi
arasında bağlanmış fərdi əmək müqaviləsindən
irəli gələn mübahisələrin, həmçinin kollektiv
əmək mübahisələrinin alternativ həlli vasitəsidir.
Belə ki, əmək mübahisələrinin mediasiya vasitəsilə həlli işəgötürənlə işçi arasında mövcud
mübahisələrin məhkəmə müdaxiləsi olmadan,
üçüncü neytral tərəfin (mediatorun) köməyi ilə
həllinə imkan verir.