Əliyev Sübhan Fərmayıl oğlu
“Sirius” Vəkil Bürosunun vəkili, Bakı Dövlət Universitetinin Konstitusiya hüququ kafedrasının
professoru, hüquq elmləri doktoru
Ünvan: Bakı şəhəri, Akademik Zahid Xəlilov küçəsi, 33
E-mail: [email protected]
Məmmədli Lalə Firdovsi qızı
“Sirius” Vəkil Bürosunun vəkili, Azərbaycan Respublikası Dövlət Gömrük Komitəsinin
Akademiyasının müəllimi, Bakı Dövlət Universitetinin Hüquq fakültəsinin Konstitusiya hüququ
kafedrasının “İnzibati hüquq, maliyyə hüququ, informasiya hüququ” ixtisaslaşması üzrə doktorantı
Ünvan: Bakı şəhəri, Sabunçu rayonu, Maştağa qəsəbəsi, Zabrat-Maştağa şossesi, 2
E-mail: [email protected]
UOT 342.95
ÖHDƏLİYİN İCRASI İDDİALARI İLƏ BAĞLI MƏHKƏMƏ QƏRARLARININ
İCRASI XÜSUSİYYƏTLƏRİ
İnzibati məhkəmə icraatında çıxarılan qərarların icrası hüquqi müdafiə mexanizminin ən vacib və həlledici mərhələsidir. Məhkəmə qərarının hüquqi qüvvəyə minməsi və formal şəkildə tanınması hüququn təmin olunması üçün yetərli deyil. Bu qərarların real həyatda tətbiq olunması, inzibati orqanların üzərinə düşən konkret hüquqi öhdəlikləri yerinə yetirməsi və vətəndaşların subyektiv hüquqlarının faktiki şəkildə bərpası da zəruridir.
Bu baxımdan icra mərhələsi hüququn aliliyinin təminatçısı kimi çıxış edir və idarəetmənin məsuliyyət daşıması, qanunçuluq prinsipi və effektiv hüquqi müdafiə hüququnun reallaşdırılması baxımından əvəzolunmaz rol oynayır.