Dövlət və vətəndaş arasında yaranan
münasibətlərdə dövlətin geniş və üstün səlahiyyətlərə malik olması dövlət-vətəndaş
problemlərinin yaranma əsaslarından biri olmuşdur. Hüquqi dövlət ideyasının formalaşdığı
gündən dövlət-vətəndaş probleminin səmərəli
həlli yollarının axtarışı başlanılmışdır. Liberaldemokratik ölkələrin təcrübəsindən aydın olur
ki, dövlət orqanlarının və ya inzibati orqanların fəaliyyətinin vahid icraat qaydasında tənzimlənməsi dövlət hakimiyyətindən sui-istifadənin və vətəndaşların hüquq və azadlıqlarının
pozulmasının qarşısının alınmasında mühüm təminat vasitəsidir.