Mülkiyyət hüququnun itirilməsi, ilk növbədə, bu hüququn yaranma əsasları
ilə bağlıdır. Çünki mövcud olmayan hüququn
ləğvindən və ya itirilməsindən danışmaq mənasız
olardı. Mülkiyyət hüququnun yaranmasının
əsasında hüquqi faktlar dayanır. Hüquqi faktlar
dedikdə, müəyyən hüquq münasibətlərinin, konkret halda isə mülkiyyət hüquq münasibətlərinin
yaranmasına, dəyişməsinə və ya xitam olunmasına səbəb olan hallar başa düşülür.