Məlum olduğu kimi, cinayət tərkibinin
zəruri və fakültətiv əlamətləri fərqləndirilir. Fakültətiv əlamətlər, cinayət tərkibinin
zəruri əlamətlərindən fərqli olaraq, bütün cinayət
tərkiblərinə daxil edilmir, onlardan ayrı-ayrı
konkret tərkiblərin qurulmasında istifadə olunur. Belə ki, bəzi əlamətlər cinayət tərkiblərinin
zəruri əlamətlərinin dairəsinə əlavə edilir və bununla ayrı-ayrı cinayətlərin spesifik xüsusiyyəti
formalaşdırılır. Bu baxımdan bəzi fakültətiv
əlamətlər cinayətin obyektində, bəziləri cinayətin
obyektiv cəhətində, bəziləri cinayətin subyektiv
cəhətində, bəziləri isə cinayətin subyektində öz
təzahürünü tapmış olur.