Hər bir ölkədə milli-mənəvi dəyərləri, tarixi ənənələri və sosial-mədəni inkişaf
səviyyəsini nəzərə alan hüquq sistemi mövcuddur. Müasir dünyada geniş vüsət alan qloballaş-
ma prosesi ölkələr arasında qarşılıqlı əlaqələri
intensivləşdirir. Ölkələr arasında qarşılıqlı əlaqələrin qurulması vacib olduğu kimi, xarici
ölkələrin mövcud qanunvericilik aktlarının öyrənilməsi, onların oxşar və fərqli cəhətlərinin
müəyyənləşdirilməsi də xüsusi önəm kəsb edir.
Professor N.H.Cəfərli haqlı olaraq qeyd edir
ki, hüquq elmində özünə yer etmiş bir sıra hüquqi
anlayışlar xarici ölkələrin hüquq təcrübəsinə və
dünyada qərarlaşmış hüquqi təfəkkürə istinad
etməklə yenilənməyə ehtiyac duyur [1, s. 30].