Mədəni irsin anlayışının təsbit edilməsi
qədər əhəmiyyətli məsələlərdən biri
də silahlı hadisələrə anlayış verilməsidir. Çünki
müharibə, silahlı münaqişə və hərbi konflikt ayrı-ayrı anlayışlar olmaqla hər biri ayrı-ayrı situasiyalar və hadisələrlə bağlıdır. Ona görə də onların dəqiq anlayışlarının təsbit edilməsi mədəni
irsin hüquqi mühafizə mexanizminin təsbiti ilə
əlaqədar statusun müəyyən olunması üzrə xüsusi
əhəmiyyət daşıyır. Qeyd edilməlidir ki, müharibə,
silahlı münaqişə və ya hərbi konfliktlərin praktiki təhlili aparılsa, müəyyən olunar ki, burada ən
çox ziyan çəkən obyektlərdən biri məhz mədəni
irs obyektləridir.