Hərfi tərcümə mənasında apellyasiya (latın dilində – apellatio) müraciət etmək,
şikayət etmək anlamını verir [2, s. 219]. 14 iyul
2000-ci il tarixdə qəbul edilmiş, 01 sentyabr 2000-
ci il tarixdə qüvvəyə minmiş Azərbaycan Respublikasının Cinayət-Prosessual Məcəlləsində
(bundan sonra məqalənin mətnində – CPM)
apellyasiya icraatı kateqoriyasına leqal tərif verilməsə də, CPM-in 7.0.11-ci maddəsində apellyasiya instansiyası məhkəməsi kateqoriyasına
normativ anlayış verilmişdir. Bu anlamda, bəlkə
də, apellyasiya icraatına qüvvədə olan CPM-in
anlayış aparatı kontekstində apellyasiya icraatı
– apellyasiya instansiyası məhkəməsi tərəfindən
həyata keçirilən icraatdır kimi bir tərif vermək
olardı, lakin bizim bunu etməməmiz üçün azı iki
əsas səbəb mövcuddur.