Korporativ idarəetmənin inkişafı nəticəsində, hüquqi şəxslərin müstəqil subyekt kimi tanınmasının əsas üç prinsipindən
biri olan “korporasiyaların məsuliyyətinin yalnız mülkiyyətləri ilə məhdudlaşması və nümayəndələrinin məsuliyyət daşımaması” prinsipi
müasir dövrdə tədricən sıradan çıxmışdır [18, s.
393]. Bu proses əvvəlcə hüquqi şəxslərin nümayəndələrinin subsidiar məsuliyyətinin yaranması
ilə başlamış, tədricən bir sıra ölkələrdə hüquqi şəxslərin inzibati məsuliyyətinin qəbul edilməsinə, daha sonra isə onların cinayət məsuliyyətinin
subyekti olmasına qədər irəliləmişdir [33]. Onu
da qeyd etmək lazımdır ki, cinayətin subyekti
üçün ən sərt dövlət-hüquqi reaksiya olaraq cinayət məsuliyyətinin təsiri yalnız cinayət-hüquqi
tədbirlərlə məhdudlaşmır; bu, mülki və inzibati
sanksiyaların nəticələrindən qat-qat ağır olan iş-
güzar nüfuzun itirilməsi və gələcək maliyyə itkilərinə gətirib çıxara bilər [13, s. 10].