Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidməti
Daşınmaz Əmlakın Dövlət Kadastrı və Reyestri publik hüquqi şəxsin 1 saylı Bakı Ərazi
İdarəsinin hüquq məsləhətçisi, Azərbaycan Respublikasının Prezidenti yanında
Dövlət İdarəçilik Akademiyasının magistrantı
Ünvan: Bakı şəhəri, Əliyar Əliyev küçəsi, 13
E-mail: [email protected]
UOT 342.7
VALİDEYN HİMAYƏSİNDƏN MƏHRUM OLMUŞ UŞAQLARIN HÜQUQİ
STATUSUNUN TƏNZİMLƏNMƏSİNİN XÜSUSİYYƏTLƏRİ
Hər bir vətəndaşın layiqli həyat səviyyəsinin təmin olunması Azərbaycan dövlətinin qarşısında duran ən ümdə konstitusion məqsəddir. Bu məqsədə nail olunmasında mühüm yeri əhalinin sosial qayğıya, spesifik hüquqi tənzimlənməyə ehtiyacı olan təbəqələri təşkil edir ki, belə təbəqələrin bir qismini fiziki, psixoloji, bioloji xüsusiyyətlərinə görə uşaqlar təşkil edir. Dövlət uşaqların, xüsusilə onların arasında da ən həssas kateqoriya qruplarının hüquqi statusunu effektiv hüquq normaları ilə nizama salır, hər bir uşaq üçün fərdi inkişaf planı hazırlayır, valideyn qayğısından məhrum olmuş uşaqların ailə mühitində böyüməsi üçün normativlər müəyyən edir.