Biz gündəlik həyatımızda bir çox ictimai
münasibətlərin tərəfi kimi çıxış edirik.
Daxil olduğumuz ictimai münasibətlərdə bizim
davranışlarımızın bəziləri din qaydaları, bəziləri
əxlaq qaydaları, bəziləri adət-ənənələr, bəziləri
isə hüquq qaydaları ilə tənzimlənir. İctimai
münasibətlərin olduğu bir cəmiyyəti qaydalarsız
təsəvvür etmək mümkün deyildir. Qaydaların olmadığı bir cəmiyyətdə birgə yaşamaq və inkişafa
nail olmaq qeyri-mümkündür.
Qədim dövrlərdə insanlar arasındakı münasibətlər daha çox dinə, əxlaqa və adət-ənənələrə əsaslanırdı. Münasibətlər mürəkkəbləşdikcə
artıq onları tənzimetmənin yeni bir formasına
ehtiyac yaranır və münasibətləri tənzimetmədə
hüquq qaydalarının rolu daha da artırdı.