Dövlətlərarası əməkdaşlığın bütün sferalarında olduğu kimi, transmilli cinayətlərlə
mübarizə sahəsində dövlətlərin və beynəlxalq
mexanizmlərin əməkdaşlığı beynəlxalq hüquqa
söykənir. Qeyd olunan aktorların beynəlxalq hüquq müstəvisində əməkdaşlığını, qarşılıqlı fəaliyyətlərini zəruri edən amillər və onu doğuran
səbəblər olduqca müxtəlifdir. Ümumi kontekstdə
məsələyə yanaşsaq onu qeyd edə bilərik ki,
cinayətkarlıqla mübarizə siyasəti, bir qayda olaraq,
dövlətdaxili hüquq və mexanizmlər çərçivəsində
həyata keçirilib.