Biologiya, genetika və tibb sahəsində
sürətlə inkişaf edən texnologiyalar insanlıq üçün geniş imkanlar açmaqla bərabər,
yeni yaranan münasibətlərin hüquqi tənzim zərurətini də aktuallaşdırır. Digər qlobal texnoloji
yeniliklər (İnternet, kibercinayətkarlıq, qlobal
sosial şəbəkələr və sair) kimi bioetika problemləri də bir və ya bir neçə ölkənin hüququ çərçivəsində tənzimlənməsi mümkün olmayan məsələlərdir. Bunlar beynəlxalq qurumlardan daha
fəal müdaxilə, uzlaşdırıcı fəaliyyət tələb edir.
Bioetika və biotibb məsələləri üzrə beynəlxalq
əməkdaşlığın təşkilində UNESCO-nun aparıcı
rolu qeyd olunmalıdır.