Cinayət-hüquq nəzəriyyəsində məhz cinayət məsuliyyətinin əsasının nədən
ibarət olması ilə bağlı geniş müzakirə və mübahisələrə yer verilmiş olsa da, bir çox müəlliflər
cinayət tərkibini cinayət məsuliyyətinin əsası
kimi qəbul edir. Azərbaycan Respublikası Cinayət Məcəlləsinin (bundan sonra – Cinayət Məcəlləsi) 3-cü maddəsinə əsasən, cinayət məsuliyyətinin iki əsası müəyyən edilmişdir: faktiki
əsas kimi ictimai-təhlükəli əməl; hüquqi əsas
kimi həmin əməldə cinayət tərkibinin olması
[2, s. 48]. Buna uyğun olaraq, cinayət-hüquq
nəzəriyyəsində cinayət tərkibinin əlamətlərinin
dörd ayrıca qrupda təsnifatı aparılır:
- cinayətin obyektini xarakterizə edən əlamətlər;
- cinayətin obyektiv cəhətini xarakterizə edən
əlamətlər;