Müasir beynəlxalq cinayət hüququnda
“beynəlxalq cinayətlər”, “beynəlxalq
xarakterli cinayət” anlayışları metodoloji əhəmiyyət kəsb edən fundamental anlayışlar sırasına aid edilir. Müəlliflər arasında bu anlayış-
lara tərif verilməsi, onların sistemi, təsnifatı,
xarakterik cəhətləri ətrafında vahid fikir yoxdur.
Beynəlxalq cinayət geniş bir kateqoriyadır və
beynəlxalq hüquq pozuntularının xüsusi bir
növünü (formasını) təşkil edir. Ümumiyyətlə,
bu cinayətlər beynəlxalq birlik və sülhə qarşı
törədilmiş cinayətləri əhatə edir. Bununla yana-
şı, beynəlxalq xarakterli cinayətlər daha spesifik bir kateqoriyadır və ümumilikdə dövlətlərin
maraqlarına qarşı törədilmiş cinayətləri ifadə
edir.