İ
nsanların əsas hüquqlarından biri olan şəxsi
toxunulmazlıq hüququ Azərbaycan Respublikasının Konstitusiyasının 32-ci maddəsində təsbit olunmuşdur. Həmin maddəyə əsasən,
hər kəsin şəxsi toxunulmazlıq hüququ vardır
[1]. Toxunulmazlıq şəxsin razılığı olmadan ona
məxsus olan hər hansı bir şeylə bağlı müəyyən
bir fəaliyyətin həyata keçirilməsini istisna edir.
Fiziki toxunulmazlıq fərdin cisminin və bioloji
tamlığının toxunulmazlığını bildirir. İnsan üçün
toxunulmazlıq hətta formal hüquq normalarından
kənarda belə, onun məşğuliyyətindən asılı olmayaraq böyük əhəmiyyətə malikdir. Bu, xüsusilə də
fiziki və əxlaqi-mənəvi toxunulmazlığa aiddir [5].
Tibb sahəsi müəyyən spesifikliyə malik olduğundan, burada toxunulmazlıq xüsusi qaydalar
nəzərə alınmaqla qorunur.