Müasir dövrdə informasiya texnologiyalarının sürətli inkişafı cəmiyyətin
bütün sahələrinə, o cümlədən hüquq və ədliyyə sisteminə mühüm təsir göstərmişdir. Cinayətlərin törədilmə formalarının dəyişməsi və rəqəmsal mühitin genişlənməsi nəticəsində cinayət-prosessual fəaliyyət də yeni çağırışlarla üzləşmişdir. Bu çağırışlardan biri də sübutetmə prosesində elektron sübutların meydana çıxması və onların hüquqi statusunun müəyyənləşdirilməsi zərurətidir. Ənənəvi sübutlarla yanaşı, elektron formatda olan sübutlar da istintaq və məhkəmə araşdırmalarında həqiqətin müəyyən olunmasında mühüm rol oynayır. Lakin bu sübutların əldə edilməsi, təqdim olunması və qiymətləndirilməsi zamanı bir sıra hüquqi və texniki problemlər ortaya çıxır ki, bu da onların cinayət prosesi çərçivəsində düzgün tətbiq edilməsini zəruri edir. Bu baxımdan elektron sübutların hüquqi əsaslarının araşdırılması və onların sübutetmə prosesindəki rolunun təhlili müasir hüquqi elminin aktual məsələlərindən birinə çevrilmişdir. Elektron sübutların cinayət prosesində istifadəsi yalnız texnoloji yeniliklərin tətbiqi ilə məhdudlaşmır, eyni zamanda hüquqi mexanizmlərin və normativ hüquqi bazanın da inkişafını tələb edir. Elektron sübutların mənbəyi, orijinallığı,