Qloballaşma proseslərinin sürətlənməsi
və regional inteqrasiyanın dərinləşməsi
beynəlxalq ticarət və tranzit sistemlərinin inkişafını daha da aktuallaşdırmışdır. Müasir iqtisadi münasibətlər çərçivəsində malların sərhədlərarası hərəkəti yalnız texniki və fiziki imkanlarla deyil, eyni zamanda normativ hüquqi
tənzimləmə mexanizmləri ilə müəyyən olunur.
Bu baxımdan, beynəlxalq konvensiyalar və sazişlər dövlətlərarası əməkdaşlığın hüquqi bazasını təşkil edərək, ticarət və tranzit axınlarının
daha səmərəli və təhlükəsiz həyata keçirilməsinə
zəmin yaradır. Bu sənədlərə qoşulma və onlardan irəli gələn öhdəliklərin yerinə yetirilməsi,
ölkələrin iqtisadi sistemlərinə inteqrasiyasını və
rəqabətqabiliyyətliliyini artırmaqla yanaşı, uzunmüddətli inkişaf strategiyalarının da mühüm
tərkib hissəsidir. Bildiyimiz kimi, Azərbaycan
iri tranzit qovşaqlarının kəsişməsində yerləşir.