Azərbaycan Respublikasında xarici investisiyanın mövcud rejiminin inkişafı
son zamanlarda diqqət mərkəzinə çevrilmişdir.
Həmin istiqamətdə dövlət və özəl sektor tərəfindən davamlı və çoxşaxəli islahatlar həyata
keçirilməkdədir. Xarici investisiyanın rejimi istiqamətində ölkəmizdə önə çıxan mövzular əsasən bərpaolunan enerjiyə keçid ilə əlaqədar cari fəaliyyət, müvafiq sahədə tənzimləyici baza və
gözlənilən islahatlardır.
Enerji keçidinə münasibətdə bərpa olunan
enerji sektoruna xarici investisiyaların stimullaşdırılması, həmin investisiyalar fonunda mövcud
bürokratik maneələrin aradan qaldırılması, sərmayə qoyuluşunda şəffaflığın təşviq edilməsi və
daha çox dövlət təminatlarının verilməsi yolu ilə
daha əlverişli xarici investisiya rejiminin yaradılması istiqamətində dövlət siyasəti nümayiş
etdirilir. Bununla əlaqədar 22 iyun 2022-ci ildə
qəbul edilmiş “İnvestisiya fəaliyyəti haqqında” və 9 dekabr 2022-ci il tarixli “Dövlət-özəl
tərəfdaşlığı haqqında” Azərbaycan Respublikasının qanunları “yeni başlanğıclar” hesab edilir