İ
nvestisiya qəbul edən dövlət tərəfindən
xarici investisiyalara verilən ən önəmli
təminatlardan biri tam qoruma və təhlükəsizlik
standartıdır (bundan sonra – “TQT standartı”).
Təcrübədə və nəzəriyyədə bu standartın tətbiq
dairəsi, beynəlxalq adət hüququ və humanitar hüquqla, eləcə də xarici investorlara verilən
digər təminatlarla qarşılıqlı əlaqələrinə dair fikir
ayrılıqları mövcuddur. Bu məqalədə TQT standartının anlayışı, tarixi, tətbiq xüsusiyyətləri və
həmin standartın “zərərə görə kompensasiya”
bəndləri ilə qarşılıqlı əlaqəsi təhlil edilmişdir.