İ
nsan hüquq və azadlıqlarını cinayətkar
qəsdlərdən müdafiə etmək məqsədi ilə
müvafiq dövlət orqanları tərəfindən aşkar və
qeyri-aşkar üsullarla qanunla müəyyən edilmiş tədbirlərin həyata keçirilməsi zamanı insan hüquq və azadlıqlarının təminatı olduqca
zəruridir və nəzərə alınmalıdır ki, bir insanın
hüquq və azadlıqlarını cinayətkar qəsdlərdən qorumaq üçün onun, eləcə də digər insanın hüquq
və azadlıqlarını pozmaq özlüyündə insan hüquq
və azadlıqlarına təminatı institutuna başlıca
müdaxilədir. Məhz bu zərurilikdən doğan ehtiyac
olaraq “Əməliyyat-axtarış fəaliyyəti haqqında”
Azərbaycan Respublikasının Qanununda (bundan sonra - Qanun) “İnsan və vətəndaş hüquq
və azadlıqlarının təminatı” institutu nəzərdə tutulmuşdur [3, maddə 4].