Azərbaycan Respublikası Cinayət Məcəlləsinin (bundan sonra – CM) I Bölməsi “Cinayət qanunu” adlanır. Cinayət qanunu
sosial tənzimetmə vasitələri ilə birlikdə şəxsiyyətlə cəmiyyət arasında baş verən təhlükəli münaqişələri cinayət-hüquqi vasitələrlə həll edir,
insanlar arasında normal münasibətləri qoruyur. Cinayət qanunu Azərbaycan Respublikası-
nın CM-dən ibarətdir. Bu Məcəllə Azərbaycan
Respublikasının Konstitusiyasına, beynəlxalq
hüququn hamılıqla qəbul edilmiş normalarına və prinsiplərinə əsaslanır. Cinayət məsuliyyətini
müəyyən edən və cinayət törətmiş şəxsin cəzalandırılmasını nəzərdə tutan qanunlar yalnız bu
məcəlləyə daxil olunduqdan sonra tətbiq edilə
bilər (CM-in 1-ci maddəsi).