XVIII əsrdə Azərbaycan Səfəvi dövləti
daxili çəkişmələr nəticəsində zəiflədiyindən Rusiya və Osmanlı dövlətlərinin işğalçı
yürüşlərinə məruz qalmışdır. Daxili çəkişmələr
və xarici müdaxilələr nəticəsində Səfəvilər
dövləti 1736-cı ildə süquta uğradı. Əfşar tayfasından olan Nadir şah (1736-1747) hakimiyyətə gəldi. Nadir şahın öldürülməsindən sonra
onun yaratdığı Əfşarlar dövləti də dağıldı və
Azərbaycan ərazisində müstəqil və ya yarımmüstəqil dövlətlər – xanlıqlar və sultanlıqlar yarandı.
Bununla, Azərbaycan tarixində yeni bir dövr
– xanlıqlar dövrü başladı. Bu dövr XVIII əsrin
ikinci yarısı – XIX əsrin birinci rübünü əhatə
edir.