Azərbaycan Respublikası Cənubi Qafqaz
dövlətləri arasında xüsusi geosiyasi
mövqe tutur. O, “nəqliyyat dəhlizi” statusuna
malikdir, Xəzər hövzəsinin enerji ehtiyatlarının
Mərkəzi Asiyadan Avropaya nəqli üzrə strateji
körpüdür, böyük təbii ehtiyatlara, xüsusilə də
neft və qaz yataqlarına malikdir. Son zamanlar Azərbaycan öz iqtisadi potensialını xeyli
gücləndirib, siyasi nüfuzunu yaxşılaşdırıb və
beynəlxalq aləmdə öz maraqlarını daha inamla
müdafiə etməkdədir.