Hüquq elmində özünün təyinatı, hüquqi
məzmunu, strukturu, qəbul olunma
qaydası və hüquqi təsir mexanizmi baxımından oxşarlıq təşkil edən hüquqi aktların böyük
qrupunun ifadə edilməsi üçün müxtəlif terminlərdən istifadə olunur: fərdi-hüquqi akt, hüquq
tətbiqetmə aktı, fərdi-hüquqi tənzimləmə aktı,
qərar və s. Bununla belə, milli konstitusiya qanunvericiliyində “qeyri-normativ hüquqi akt”
termini rəsmi təsbitini tapmışdır.
Maraqlı hal habelə ondan ibarətdir ki,
“Normativ hüquqi aktlar haqqında” Konstitusiya Qanununun hüquqi aktların növləri barədə
hissəsində “fərdi hüquqi aktlar” terminindən
ümumiyyətlə istifadə olunmur.