Uyğurlar qədim türk mədəniyyətinin yaradıcılarından və bu mədəniyyətin əsas
nümayəndələrindəndir. Belə ki, Yusif Balasaqunlu, Mahmud Qaşqari kimi dahi şəxslər məhz uy-
ğur əsillidirlər. Qədim Uyğur əlifbasını və Uyğur
sivilizasiyasını bilmədən qədim türklərin etnogenezi və etnik tərkibi ilə bağlı bir çox sualları
cavablandırmaq mümkün olmaz. Bu kontekstdə
Azərbaycan mütəfəkkiri Mirzə Kazımbəyin
Uyğurların qədim tarixinə müraciət etməsini
təsadüfi hesab etmək olmaz. Onun tarixi əsərləri
içərisində “Uyğurlar haqqında araşdırma” əsəri
xüsusi yer tutur. Məlum olduğu kimi, Uyğurlar dünyanın ən qədim sivilizasiyalarından biri
hesab olunur. VI əsrin ortalarına qədər Altayın
Yeddi Çayarası təpələri yaxınlığında öz mədəni
inkişaf səviyyəsinə görə Orta Asiya xalqlarından
yüksəkdə olan Uyğurların əcdadları yaşamışlar
[2]. Mirzə Kazımbəy Orta Asiyanın Şimal xalqlarından biri olan Uyğurların bu tarixi bağlılığını
vurğulamışdır.