Məhkəmə təcrübəsi Azərbaycan hüquq
sisteminin ən vacib elementidir. Normativ və elmi mənbələrə müraciət etsək, görə
bilərik ki, hüquqi ədəbiyyatda və qanunvericilikdə məhkəmə təcrübəsinin ümumi olaraq
nəyi başa düşməli olduğuna dair vahid fikir
yoxdur. Bəzi alimlər hesab edirlər ki, məhkəmə təcrübəsi bütün səviyyələrdə olan məhkəmələrin qərarlarının məcmusundan başqa
bir şey deyil, digərləri isə bu anlayışı daha dar mənada, yalnız ali məhkəmələrin qərarları və
izahatları ilə məhdudlaşır. Əgər məhkəmə təcrübəsinin yalnız Azərbaycan Respublikası Ali
Məhkəməsinin Plenumunun qərarları olduğunu fərz etsək, onda aşağı məhkəmələr tərəfindən qəbul edilən məhkəmə qərarları nədir? Biz
hesab edirik ki, məhkəmə təcrübəsi konkret
işlər üzrə qərarlardan tutmuş məhkəmə təcrübəsinin nəzərdən keçirilməsinə qədər müxtəlif
formalarda ifadə oluna bilər. Qeyd olunan məlumatlar göstərir ki, “məhkəmə təcrübəsi məhkəmələrin qərarları formasında fəaliyyətinin nəticələrinin məcmusudur və bu, konkret işlərdə
və ya kateqoriyalar üzrə mövcud qanunvericiliyin şərhi və istifadəsi sahəsində toplanmış və
məhkəmə aktlarında təsbit edilmiş təcrübəni
ifadə edir” [1, s. 90].