Beynəlxalq miqrasiya hüququnun müasir beynəlxalq hüquq sistemində yeri
və mahiyyəti ilə bağlı elmi dairələrdə mövcud
fikirlər birmənalı deyildir. Bu kontekstdə əsas
elmi mübahisə doğuran tendensiya beynəlxalq
miqrasiya hüququnun müasir beynəlxalq hüququn ayrıca sahəsi olub-olmaması ilə bağlıdır.
Bəzi müəlliflər beynəlxalq miqrasiya hüququnu
müasir beynəlxalq hüququn müstəqil sahəsi,
digərləri isə yarımsahəsi və ya alt-sahəsi hesab
edirlər.
Professor A.N. Vleqjanin yazır ki, beynəlxalq
hüququn hər hansı müstəqil sahəsi ilk növbədə
müəyyən bir sahədə beynəlxalq hüquq subyektləri
arasında münasibətləri tənzimləyən konvension
mənbələr tərəfindən təqdim olunan və müvafiq
prinsiplərin mövcudluğu ilə xarakterizə olunan üquq normalarının məcmusu kimi başa düşülür
[6, s. 45].